Нэгж хичээлийн хөтөлбөр

Нэгж хичээлийн хөтөлбөр

Сэдэв: Зураг боловсруулах технологи

Хамрах хүрээ: ЕБС-ийн 8-р анги

Багц цаг: 5 цаг

Зорилго: Суурь боловсролын түвшинд судалж буй энэхүү сэдэв нь бага боловсролын “Дүрслэх урлаг” хичээлийн мэдлэг дээр үндэслэн хялбар технологи ашиглан зураг зурах, засварлах арга барилтай болгоход чиглэнэ.

Зорилт:

1.          Бие даан хийлгэх
2.      Бүтээлийн сан бүрдүүлэх
3.     Бусад хичээлийн сэдвүүдтэй уялдуулах

А. Сургалтын хэрэглэгдэхүүн бэлтгэх:

Зургийн программ нь хүүхдийн загварчлах сэтгэхүйг хөгжүүлэхэд тустай тул цахим хэрэглэгдэхүүн боловсруулж ашиглана. Видео бичлэгийг дэлгэцийн бичлэг хийдэг Wink болон Camtasia программ ашиглан боловсруулна.Үүнд :

•       Программыг суулгах үйл явцыг харуулсан видео бичлэг ;
•               Цонхны бүтцийг харуулсан видео бичлэг ;
•              Хэрэгслүүдийг танилцуулсан видео бичлэг ;
•       Дасгалын дагуу хийгдэх бүтээгдэхүүнийг танилцуулсан видео бичлэг;

Видео бичлэгийг дэлгэцийн бичлэг хийдэг Wink болон Camtasia программ ашиглан боловсруулна.
 Интернэтээс зураг боловсруулж буй хичээлүүдийг татаж авч, файлын сан бүрдүүлэх;
Сурагчдын судалж буй хичээлийн хүрээнд бүтээлийн сан бүрдүүлэх;
Сурагчдаар хийлгэх ажлын хуудас боловсруулж ашиглах;
Цахим хэрэглэгдэхүүн үзүүлэхэд шаардлагатай зөөврийн компьютер, проектор бэлгэх.

Б. Сургалтын арга:

Бүлгийн хүрээнд өмнөх мэдлэг дээр тулгуурлан бүтээлч сэтгэлгээний аргуудыг түлхүү ашиглан, чадвараа хөгжүүлэхэд чиглүүлэн хичээлийг зохион байгуулна.

В. Үнэлгээний арга зүй:

Сурах бичгийн Чадахуй, Хэрэглэхүй хэсгийн дасгал, даалгавруудыг гүйцэтгэхдээ хийх үйлдэл, чадвар болгоныг илрүүлэхүйц чадварын жагсаалт гарган өөрийн үнэлгээний хуудас хийж ашиглана.

Нэгж хичээлийн хөтөлбөрийн цагийн үлгэрчилсэн хуваарилалт

№	Ээлжит хичээлийн (сэдэв)	Цаг (40 мин)	Суралцахуйн зорилт (Сурах арга барил)	Хичээлийн агуулга
1	Давхаргат зургийг засварлах	1	·   Давхарга бүхий зурагтай ажиллах, зохиомжлох; ·   Дан дүрслэл бүхий хээ угалз, тэгш хэмт дүрс зурах, өнгийн зохицол хийх.	·   Давхарга ашиглан зураг эвлүүлэх; ·   Бэлэн дүрс ашиглан давтамжтай зурах үүсгэх; ·   Тунгалаг зураг үүсгэх; ·   Байгаль сэдвийн хүрээнд өөрөө зохиомжлон давхарга үүсгэх, давхаргатай ажиллахдаа уусалт, тунгалагшил ашиглах.
2	Өнгийн тооцоологч ба өнгийн зохицол	1	Өнгийн зохицол бүхий зохиомж бүтээх, сайжруулах, танилцуулах.	·   Өнгийн тооцоологчийг ашиглан өнгийн зохицол гаргаж авах, ямар өнгө хоорондоо зохицож зураг зурж болохыг мэдэх; ·   Хэрэгцээндээ тохируулан өнгийн горим (RGB, CMYK)-ыг сонгож ашиглах; ·   Нотын өнгөөр хөгжмийн нотыг ашиглан зураг зохиомжлох; ·   Өнгийн зохицол ашиглан чимэглэлийн монгол зураг урлах.
3	Гэрэл зураг ба дижитал зураг	1	·   Гэрэл зургийг дижитал болгох; ·   Хар цагаан зургийг засварлах; ·   Зургийг тодруулах цайруулах;	Гэрэл зургийг дижитал зураг болгох, шаардлага хангахгүй зургийг засварлах, хар зургийг өнгөт зураг болгох.
4	Гэрэл зургийн засварлах	1		Гэрэл зургийг цайруулах, тодруулах, зургийн гэрэлтүүлгийг засварлах; Бусад эх үүсвэрээс авсан зургаар бүтээл хийх, зохиомжлох.
5	Зургийн төрөл	1	Зургийн төрлийн ялгааг танин мэдэх, хэрэгцээндээ тохируулан хадгалж, ашиглах.	Зургийн төрлүүд зургийг өөрийн хэрэгцээтэй төрлөөр хадгалах, хэрэглэх.

Нэгж хичээлийн үнэлгээний хуудас (рубрик)

Анги: _______ Овог: ______________ Нэр: _________________

Түвшин                    Шалгуур	Онцгой сайн (4 оноо)	Чадвартай (3 оноо)	Хангалттай (2 оноо)	Хязгаарлагдмал (0-1 оноо)
Давхаргат зургийг засварлах	Давхарга нэмж, хасаж, зөөж, нэрий нь өөрчилж чадна. Бусдад тусалдаг.	Давхарга нэмж, хасаж, зураг засварлаж чадна.	Давхарга үүсгэж, зураг засварлаж чадна. Бусдаас тусламж авдаг.	Зургийн хэрэгсэлтэй ажиллаж, зурдаг боловч давхаргын тухай ойлгоогүй.
Өнгийн тооцоологч ашиглан өнгийн зохицол гаргах	Өнгийн тооцоологчийг интернэтээс татаж, ашиглаж чадна. Өнгийн зохицлын 6 төрлөөс гадна нэмэлт өнгө гаргаж чадна.	Өнгийн тооцоологчийн 6 төрлийг ашиглаж, зураг зурж чадна.	Өнгийн тооцоологчийн 3 төрлийг ашиглаж чадна.	Өнгийн тооцоологч ашиглаж чадахгүй. Зөвхөн программын өнгийн хэрэгслийг ашигладаг.
Гэрэл зургийг дижитал зураг болгох	Гэрэл зургийг дижитал зураг болгож, хуулж, зөөж, хэмжээг өөрчилж, засвар хийж чадна.	Гэрэл зургийг дижитал зураг болгож чадна.	Гэрэл зураг, дижитал зургийн ялгааг ойлгоно.	Гэрэл зургийг дижитал зураг болгож чадахгүй.
Гэрэл зургийг засварлах	Гэрэл зургийг цайруулж, тодруулж, хэмжээг өөрчилж,засварлаж чадна.	Гэрэл зургийн хэмжээ, өнгийг өөрчилж, зөөж, хуулж чадна.	Гэрэл зургийн өнгийг өөрчилж чадна.	Зургийн хэрэгсэл ашиглан зураг зурж чадна, засварлаж чадахгүй.
Зургийн төрлийг мэдэх, ашиглах	Зургийн 4-өөс дээш төрлийг мэднэ, өөрийн хүссэн төрлөөр хадгалж чадна.	Зургийн 3-4 төрлийг мэднэ. 2 төрлөөр хадгалж чадна.	Зургийн 2 төрлийг мэднэ.	Зургийн төрлийг мэдэхгүй

5 шалгуур байгаа тул нийт авбал зохих 4*5=20 оноо. Жишээ нь онцгой сайн гэсэн 3 шалгуур,чадвартай гэсэн 2 шалгуур хангасан гэвэл 3*4+2*3=18 оноо буюу 18*100/20=90% гүйцэтгэлээ гэх мэт үнэлж болно.